Ylmy-barlag we taslama işleri
Galkynyş gaz käniniň kükürdinden boýag we ýelimleýji serişdeleri almak
Uniwersitetiň hünärmenleri we talyplary Galkynyş gaz käniniň kükürdinden boýag we ýelimleýji serişdeleri öndürmegiň innowasion tehnologiýasyny işläp düzdüler.
Organiki galyndylardan biogaz we biodökün öndürmek
Uniwersitetiň alymlary organiki galyndylardan biogazy we biodöküni öndürmegiň usulyny işläp düzdüler.
Kwars ununy ulanyp, gyzgynlyga çydamly sement ergininiň täze düzümleri taýýarlanyldy
Daşary ýurtlardan getirilýän harytlaryň ornuny tutýan önümçiligi ýola goýmak ýörelgesinden ugur alyp, uniwersitetiň hünärmenleri ýurdumyzyň ýerli çig mallarynyň we materiallarynyň esasynda nebitgaz guýularyň oturtma sütünlerini berkitmek üçin niýetlenen gyzgynlyga çydamly sement ergininiň we kwars ununyň täze düzümlerini işläp düzdiler. Alnan sement daşynyň durnuklylygy laboratoriýa şertlerinde barlanyldy we bu täze düzümleri önümçilige ornaşdyrmak meýilleşdirilýär.
Pnewmatiki suw çüwdürimli ýuwujy enjam
Uniwersitetiň professor-mugallymlary tarapyndan işlenip düzülen “Pnewmatiki suw çüwdürimli ýuwujy enjam” atly oýlap tapylyşyň enjamyny önümçilige ornaşdyrmak maksady bilen, “Türkmengaz” döwlet konserniniň “Türkmengazburawlaýyş” müdirliginiň Galkynyş gaz käniniň guýularynda bu enjam üstünlikli synag edildi we ýokary netijeler gazanyldy.
Buraw turbalarynyň boşluklaryndan howany gysyp çykarmak üçin innowasion gidrawlik enjam
Guýyny burawlamak prosesinde guýynyň düýbündäki basyşyň üýtgemegi netijesinde ýüze çykyp biljek päsgelçilikleriň öňüni almak maksady bilen innowasion gidrawliki enjamy önümçilige ornaşdyrmak üçin “Türkmengaz” döwlet konserniniň “Türkmengazburawlaýyş” müdirliginiň Galkynyş gaz käniniň guýularynda üstünlikli synag edildi. Bu innowasion gidrawliki enjam ulanylanda nebit-gaz guýularyny burawlamak işleriniň ýerine ýetiriliş proseslerinde, buraw ergininiň ýuwudylmagy, guýynyň diwarynyň opurylmagy, burawlaýjy turbanyň guýynyň diwaryna gapjalmagy we ş.m. ýüze çykyp biljek päsgelçilikleriň öňi alynýar.
Türkmenbaşynyň nebiti gaýtadan işleýän zawodlar toplumynyň öndürýän bitumyndan alnan korroziýa garşy mastika
Türkmenbaşynyň nebiti gaýtadan işleýän zawodlar toplumynda emele gelýän nebitiň galyndy önümi bolan bitumdan alnan poslama garşy ulanylýan (mastika) çalgy. Bu taýýarlanylan mastika (çalgy) atmosferanyň we gün şöhleleriniň täsirine durnuklydyr. Esasanam metal, agaç, beton önümlerini korroziýadan, hem-de üçekleri zaýalanmakdan goramak üçin ulanylýar.
Işi tamamlanan karýerde dikeldiş işleriniň döwrebap görnüşiniň makedi
Dag kärhanalarynyň önümçilik işjeňliginiň netijesinde bozulan ýerleri halk hojalygynda ulanmaga ýaramly we düşewüntli ýagdaýa getirmek, olaryň ýanaşyk landşaft toplumlaryna zyýanly täsiriniň öňüni almak, bu toplumlary goramak, tehnogen we tebigy landşaftlary amatly utgaşdyrmak maksady bilen işi tamamlanan karýeriň çäklerinde rekreasion rekultiwasiýa hökmünde dürli dynç alyş, bejeriş, sport maksatly obýektleri gurmak teklip edilýär.
Ýerasty gaz saklawhanasy
Türkmenistanda tebigy gazyň çykarlyşynyň ýokarlanmagy, içerki we daşarky bazarlardaky sarp edijileriň islegleri bilen şertlendirilip, onuň çalt depginler bilen ösmegi ýurdumyzyň eksport kuwwatlyklarynyň artmagyna, ykdysadyýetimiziň ýokary depginler bilen öňe gitmegine we netijede ilatymyzyň ýaşaýyş-durmuş şertleriniň has-da gowulanmagyna getirjekdigi aýdyňdyr.
Gazhimiýa toplumy
Işlenilip düzülen tehnologiki çözgüt ýurdumyzyň dürli niýetlenilişli himiýa senagat kärhanalarynda we önümçilik pudaklarynda ornaşdyrylmagy arkaly peýdaly ykdysady effekti, energiýa we serişde tygşytlylygy, hem-de ýokary iş öndürijiligi gazanmaga mümkinçilik berer.
Tebigy gazdan wodorod öndürmek zawodyň taslamasy
Konwersiýa pejinden 845C temperaturada çykýan sintez-gaz sowadyjydan we bug generatoryndan geçip 340-360C temperaturada we 24,5 atm basyşda R4 reaktoryna barýar, ol ýerde sintez-gazyň düzümindäki uglerodyň dioksidiniň ekwalentine baglylykda wodorodyň goşmaça mukdary alynýar.
Ýeliň guşagynda ýaşyl energetika
Taslamada ýel energetikasy boýunça dünýäde ulanylýan ýel generatorlaryň görnüşleri, olaryň bähbitli we zyýanly taraplary öwrenildi. Olaryň içinden binalaryň üstünde ulanyp boljak, agressiw şertlere çydamly, agregatyň detallarynyň ýerli şertlerimizde taýýarlap hem-de tehniki hyzmat edip boljak wertikal okly ýel turbinaly generatorlary saýlanyp alyndy. Ýel turbinalaryň pilçeleriniň iň ýokary baha eýe bolýan burç ölçeglerini synag etmek we ýeliň tizligine görä şol turbinalarda alynjak elektrik energiýasynyň mukdaryny kesgitlemek üçin gurluş taýýarlanyldy.
Tebiy gazdan wodorod ýangyjyny we tehniki uglerody almagyň plazmohimiki tejribehana enjamy
Türkmenistanyň wodorod energetikasy boýunça halkara borçlaryny ýerine ýetirmek maksady bilen uniwersitetiň Wodorod energetikasy merkeziniň alymlary we hünärmenleri tarapyndan tebigy gazdan wodorod ýangyjyny we tehniki uglerody almaga mümkinçilik berýän ekologik taýdan arassa innowasion plazmohimiki barlaghana enjamy döredildi.
Gazgeçirijileriň deffektlerini analizirleýji innowasion robot
Robot bu makediň üstünde turba-gurluşyk işlerini ýerine ýetirmeginde özüniň kämillik derejesini, ýokary ygtybarlylygyny we tehnologik artykmaçlyklaryny öwrenijiler üçin has düşnükli derejede görkezer.
Günbatar Türkmenistanyň ýod-brom senagat suwlaryndan alnan täze himiki önümler
Bu ýerde - natriý hloridi, konsentrirlenilen suw, magniý oksidi, kalsiý nitraty, alýuminiý sulfatly koagulýanty, kremniý oksidi, stronsiý karbonaty, stronsiý nitraty ýaly alnan önümler ýerleşdirildi.
Emeli mermer daşlary
Uniwersitetde ýerli çig mallardan emeli mermeri almak boýunça işler alnyp barylýar. Uniwersitetiň tejribehanalarynda düzümi, ölçegi we reňki boýunça tapawutlanýan emeli mermerleriň birnäçe nusgalary taýýarlanyldy hem-de degişli barlaglardan geçirildi.
Habarlaşmak üçin:
- Salgysy: 744036, Türkmenistan, Aşgabat ş., Arçabil şaýoly, 8, Baş bina
- Tel: (+99312) 39-13-03
- Faks: (+99312) 39-14-00
- E-mail: iuog@sanly.tm
- Web-saýt: iogu.edu.tm