Ýagşygeldi Kakaýew adyndaky Halkara nebit we gaz uniwersitetinde 2026-njy ýylyň aprel aýynda umumybilim berýän orta mekdepleriň okuwçylarynyň arasynda matematika, himiýa, informatika dersleri boýunça olimpiadalar geçirilýär
Ýagşygeldi Kakaýew adyndaky Halkara nebit we gaz uniwersiteti ýurdumyzyň umumybilim berýän orta mekdepleriniň okuwçylarynyň arasynda 2026-njy ýylyň aprel aýynda matematika, himiýa, informatika dersleri boýunça olimpiadalary geçirýär. Olimpiadalara ýurdumyzyň umumybilim berýän orta mekdepleriniň okuwçylary işjeň gatnaşmaga çagyrylýar. Olimpiadalara umumybilim berýän orta mekdepleriň we aýratyn çuňlaşdyrylyp okadylýan mekdepleriň uçurym okuwçylary gatnaşyp bilerler.
Olimpiadalara gatnaşyjylaryň sany çäklendirilmeýär. Olimpiadalaryň 1-nji tapgyry 2026-njy ýylyň 9-11-nji apreli aralygynda onlaýn görnüşinde, 2-nji tapgyry 2026-njy ýylyň 25-nji aprelinde ýumuş bermek arkaly Ýagşygeldi Kakaýew adyndaky Halkara nebit we gaz uniwersitetinde geçiriler.
Olimpiadalara gatnaşmaga isleg bildirýän okuwçylar baradaky maglumatlaryň nusga laýyklykda (1-nji goşundy) 2026-njy ýylyň 4-nji apreline çenli olimpiadalaryň guramaçylyk toparlarynyň elektron salgylaryna ugratmaly.
Olimpiadanyň jemleýji tapgyryna gatnaşan okuwçylaryň gazanan ballarynyň esasynda olaryň şahsy orunlary kesgitlenilýär. Olimpiadanyň ýeňijileri I, II we III derejeli diplomlar bilen sylaglanylar.
Guramaçylyk toparynyň çözgüdi esasynda olimpiadanyň ýeňijilerinden has ýokary netije gazananlaryna Ýagşygeldi Kakaýew adyndaky Halkara nebit we gaz uniwersitetinde okuwyny dowam etdirmäge ýeňillikler döredilýär.
Habarlaşmak üçin:
Matematika dersi boýunça:
Tel: +993 12-39-14-09, +993 65-53-20-86, +993 65-57-57-56 .
e-mail: hngu.matematika.olimp@gmail.com
Himiýa dersi boýunça:
Tel: +993 12-39-14-77, +993 65-63-01-17, +993 62-06-61-88.
e-mail: hnguhtef.olimp@gmail.com
Informatika dersi boýunça:
Tel: +993 12-39-14-78, +993 61-99-98-99, +993 65-04-15-94.
e-mail: imthngu@gmail.com